ໃນຕອນເຊົ້າ ຂອງວັນທີ 24 ທັນວາ 2020 ຄະນະທີມງານສູນກາງຈາກກົມຊັບພະຍາພະຍາກອນນໍ້າ ແລະ ອຸຕຸນິຍົມ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ລົງມາມອບເຄື່ອງມືອຸປະກອນ ໄອທີ ພ້ອມທັງ ແນະນຳການຕິດຕັ້ງອຸປະກອນ, ໃຫ້ແກ່ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງສາລະວັນ,ໃຫ້ກຽດເຂົ້າຮ່ວມໃນການມອບ-ຮັບຄັ້ງນີ້ໂດຍ ທ່ານ ສັກດາ ແກ້ວດວງສີ ກຳມະການພັກແຂວງ ຫົວໜ້າພະແນກຊັບພະຍາ ກອນທຳມະຊາດ ແລະ ສິ່ງແວດລ້ອມແຂວງຜູ້ຮັບ,

ທ່ານ ບຸນເຕີມ ສີສຸພັນທະວົງ ຫົວໜ້າ ພະແນກຊັບພະຍາກອນອາກາດ ແລະ ແຈ້ງເຕືອນໄພຜູ້ມອບ,ມີບັນດາຂະແໜງພາຍໃນພະແນກ ພ້ອມດ້ວຍພະນັກງານວິຊາການ ແລະ ຄະນະທີມງານຈາກສູນກາງ ຈຳນວນ 10 ທ່ານ ຍິງ 01 ອຸປະກອນທີ່ນຳມາມອບໃນຄັ້ງນີ້ປະກອບມີ: ຊຸດຄອມພິວເຕີ້ 4 ຊຸດ,GPS ວິທະຍຸຄືນສັນຍານຕິດຕໍ່ສື່ສານ,ກ້ອງວັດແທກລະດັບ ຈຳນວນ 01 ຊຸດ,ໃນມູນຄ່າ (78,922,778 ກີບ) ໃນຕອນທ້າຍຂອງພິທີ ທ່ານ ສັກດາ ແກ້ວດວງສີ ກຳມະການພັກແຂວງ ຫົວໜ້າພະແນກຊັບພະຍາ ກອນທຳມະຊາດ ແລະ ສິ່ງແວດລ້ອມແຂວງ ໄດ້ມີຄຳເຫັນ ກ່າວຂອບໃຈມາຢັງຄະນະນຳກະຊວງ ທີ່ໄດ້ມອບອຸປະກອນຮັບໃຊ້ດ້ານວິຊາການໃຫ້ແກ່ພະແນກ ຊສ ແຂວງສາລະວັນ,ເວົ້າລວມ ເວົ້າສະເພາະກໍ່ຄືແຂວງສາລະວັນ ແລະ ຈະນຳໃຊ້ອຸປະກອນດັ່ງກ່າວເຂົ້າໃນວຽກງານໃຫ້ເກີດຜົນປະໂຫຍດສູງສຸດ.